Plataforma logistiko berria (eremu komertzial/industrial mistoa) Babcock Wilcox lantegi zaharrean kokatzen da.

Sektore logistikorako ingurune pribilejiatu batean dago:  Ballontiko korridorea, A-8 autobidea, Supersur, gehi Superportuaren hurbiltasuna eta Bilbo Handiaren bi aldeak konektatuko dituen Lamiakoko ibaipeko tunela; azpiegitura-multzo horrek errepide-sare bikaina eskaintzen dio inguru horri.

Plataforma logistiko handi honek 40.000 m²tik gorako eraikigarritasuna du, eta bertan bi nabe bereizi egongo dira, zirkulazio-eremu komun bat partekatuko dutenak.  

·      Lehen nabea cross docking motako operatibarako izango da. 9.500 m² izango ditu, 45 metroko sakonera, 32 metroko plazak trailer-entzat eta parez pare kokatutako moila ugari.

·      Bigarren nabea logistika tradizionaleko operatzaileentzat pentsatuta dago. Ia 31.000 m²ko azalera izango du eta trailerrentzako ilara bakar bat, espreski atonduko dena 5. Mailako Batez Besteko Arriskuko biltegiratze-jarduerak hartzeko.

Kasu bietan, jarduera logistikoaren osagarri diren bulegoak eta espazio gehigarriak nabeen aurrealdeari erantsitako bolumenetan egongo dira.